Ngjarje e rëndë në Shkodër: 76-vjeçari gjendet pa jetë në banesë, policia heton rrethanat
Një ngjarje e rëndë është regjistruar në fshatin Dobraç të Shkodrës, ku një 76-vjeçar është gjetur pa shenja jete në banesën e tij.
Sipas raportimeve të noa.al, viktima është identifikuar si Sadri Sufaj.
Nga hetimet paraprake dyshohet se i moshuari ka pësuar djegie të rënda, pasi dyshohet se i ka vënë zjarrin vetes duke përdorur një lëndë djegëse. Si pasojë e plagëve të marra, ai ka ndërruar jetë.
Trupi i pajetë është transportuar në morgun e Spitalit Rajonal të Shkodrës, ku pritet t’i nënshtrohet ekzaminimeve të mëtejshme.
Ndërkohë, autoritetet po vijojnë hetimet për të sqaruar plotësisht rrethanat e ngjarjes dhe për të përcaktuar se si ka ndodhur ajo.
Informacionet e deritanishme janë paraprake, ndërsa priten të dhëna të tjera nga organet kompetente.