Martesat me mblesëri apo të imponuara për vajzat e mitura konsiderohen pjesë e një të kaluare të largët. Në një kohë kur teknologjia dhe emancipimi shoqëror kanë ndryshuar mënyrën e jetesës, histori të tilla duken të pabesueshme. Megjithatë, ky fenomen vazhdon të ekzistojë edhe sot.
Anxhi, 21 vjeçe, ka ndarë historinë e saj në rubrikën “Ka një Mesazh për Ty” në emisionin “E diela Shqiptare” në Tv Klan. Ajo rrëfen se, në zonën rurale të Beratit nga ku vjen, martesa e hershme e vajzave vazhdon të shihet si diçka normale, pavarësisht ndryshimeve që ka sjellë koha.