Atmosfera në Tiranë ishte elektrizuese, ndërsa artisti me famë botërore Kanye West mbajti një koncert madhështor në “Eagle Stadium”, ku morën pjesë rreth 60 mijë spektatorë.
Ngjarja tërhoqi fansa nga afro 80 vende të ndryshme, të cilët udhëtuan drejt Shqipërisë për të ndjekur nga afër performancën e reperit amerikan. Para nisjes së koncertit, shumë prej tyre ndanë emocionet dhe entuziazmin për një nga eventet muzikore më të mëdha të organizuara ndonjëherë në vend.
Pas përfundimit të spektaklit, Kanye West reagoi me një mesazh falënderimi, duke vlerësuar mikpritjen që mori gjatë qëndrimit në Shqipëri.
“Faleminderit Edi Ramës dhe gjithë Shqipërisë për stadiumin dhe për mikpritjen e jashtëzakonshme në vendin tuaj të bukur,” shkroi artisti në reagimin e tij.
Koncerti u konsiderua një moment historik për skenën muzikore shqiptare, duke tërhequr vëmendjen e publikut ndërkombëtar dhe duke forcuar imazhin e Shqipërisë si një destinacion i aftë për të organizuar evente të mëdha artistike dhe kulturore.
Be First to Comment