Tragjedi në Vietnam! Autobusi përfshihet nga flakët, 7 persona humbin jetën dhe 5 të tjerë plagosen
Të paktën shtatë persona humbën jetën, ndërsa pesë të tjerë mbetën të plagosur pasi një autobus u përfshi nga flakët në orët e para të mëngjesit në Vietnam.
Sipas Ministrisë së Sigurisë Publike, autobusi po udhëtonte nga provinca Lam Dong drejt qytetit Ho Chi Minh kur shpërtheu zjarri. Flakët u përhapën me shpejtësi, duke bllokuar shumë prej pasagjerëve brenda autobusit me 24 vende.
Pesë pasagjerë arritën të shpëtonin, por pësuan lëndime dhe u transportuan menjëherë në spital për të marrë ndihmën e nevojshme mjekësore.
Autoritetet kanë nisur hetimet për të zbardhur shkaqet e zjarrit dhe për të përcaktuar rrethanat që çuan në këtë ngjarje tragjike.
Be First to Comment