Tensionet diplomatike mes Turqia dhe Irani janë rritur pas një incidenti të fundit që përfshin lëshimin e një rakete balistike, e cila sipas autoriteteve turke u interceptua nga sistemet mbrojtëse të NATO në territorin turk.
Ministri i Jashtëm turk, Hakan Fidan, reagoi publikisht për ngjarjen gjatë një deklarate për gazetarët në Stamboll, duke theksuar se Turqia nuk është një vend që provokohet lehtësisht. Ai bëri të ditur se autoritetet në Ankara kanë kontaktuar me palën iraniane për të kërkuar sqarime mbi incidentin.
Sipas Fidan, qeveria turke po përpiqet të kuptojë nëse bëhet fjalë për një raketë që mund të ketë devijuar nga trajektorja gjatë lëshimit. “Ne kemi folur me miqtë tanë në Iran dhe kemi theksuar se nëse bëhet fjalë për një raketë që ka humbur trajektoren e saj, atëherë situata duhet parë ndryshe”, u shpreh ai.
Megjithatë, ministri paralajmëroi se nëse incidente të tilla përsëriten, atëherë Turqia do të kërkojë më shumë përgjegjësi nga autoritetet iraniane. Ai shtoi se këshilla e Ankarasë për Teheranin është të tregojë kujdes dhe të mos lejojë veprime që mund të përshkallëzojnë më tej situatën në rajon.