Mojtaba Khamenei kërcënon me hakmarrje ndaj SHBA-së dhe Izraelit pas vdekjes së babait të tij
Udhëheqësi i ri suprem i Iranit, Mojtaba Khamenei, ka reaguar me tone të ashpra ndaj Shteteve të Bashkuara dhe Izraelit, duke i akuzuar për vrasjen e babait të tij, Ajatollah Ali Khamenei.
Në një deklaratë të publikuar nga agjencia iraniane e lajmeve Fars, e cila lidhet me shtetin, Mojtaba Khamenei është shprehur se hakmarrja është një kërkesë e popullit iranian dhe se ajo duhet të realizohet.
“Hakmarrja është kërkesë e kombit tonë dhe duhet patjetër të realizohet”, thuhet në mesazhin e publikuar.
Ai gjithashtu deklaroi se Irani do të kërkojë kundërpërgjigje për vdekjen e liderit të mëparshëm suprem dhe për humbjet e tjera të shkaktuara gjatë konflikteve të fundit.
“Do të hakmerremi për gjakun e tij dhe për gjakun e të gjithë atyre që humbën jetën”, thuhet në deklaratë.
Këto deklarata vijnë në një periudhë të tensionuar në Lindjen e Mesme, ku marrëdhëniet mes Iranit, Shteteve të Bashkuara dhe Izraelit mbeten të përkeqësuara.
Teherani ka vazhduar të akuzojë Uashingtonin dhe Jerusalemin për përgjegjësi në vdekjen e liderit të tij, ndërsa retorika për një reagim të mundshëm ka rritur shqetësimet për përshkallëzim të mëtejshëm të situatës në rajon.
Be First to Comment