Një 36-vjeçar ka humbur jetën mëngjesin e sotëm në zonën e Alliasit, në Tiranë, pasi ka rënë nga një pallat.
Sipas informacionit paraprak të Policisë, ngjarja ka ndodhur rreth orës 07:30. Viktima është identifikuar si Gerald S., 36 vjeç.
Nga të dhënat e para të hetimit dyshohet se 36-vjeçari ka rënë nga kati i pestë i pallatit. Për shkak të plagëve të marra, ai ka ndërruar jetë në vendngjarje.
Në vendin e ngjarjes kanë shkuar shërbimet e Policisë, ndërsa grupi hetimor po punon për dokumentimin e rastit dhe zbardhjen e plotë të rrethanave.
Deri tani nuk janë bërë të ditura të dhëna të tjera mbi shkaqet apo rrethanat që i paraprinë ngjarjes.