Ronaldo në telashe, rrezikon pezullim deri në gjashtë muaj nga Portugalia
Cristiano Ronaldo raportohet se është përfshirë në një çështje disiplinore pas një konflikti me trajnerin Jorge Jesus dhe largimit nga grumbullimi i kombëtares portugeze. Sipas mediave britanike, dënimi i mundshëm mund të zgjasë nga një deri në gjashtë muaj, ndërsa vendimi përfundimtar pritet nga organet përkatëse.
Përplasja dyshohet se nisi pas ndeshjes kundër Norvegjisë, më 27 shtator. Ronaldo pretendon se trajneri i kishte premtuar se do ta aktivizonte për 30 minuta, por në fund e la në stol, pavarësisht se sulmuesi ishte nxehur për një kohë të gjatë pranë vijës anësore.
Sipas raportimeve, procedurat disiplinore mund të ndikojnë në paraqitjet e yllit portugez me kombëtaren. Në rast të një pezullimi më të gjatë se një muaj, Ronaldo rrezikon të mungojë në ndeshjet e planifikuara për në nëntor, përfshirë ato kundër Danimarkës dhe Uellsit në kuadër të Ligës së Kombeve.