Katër persona kanë humbur jetën të enjten pas rrëzimit të një aeroplani të vogël pranë qytetit Medulin në rajonin e Istrias, në bregdetin e Kroacisë.
“Sipas informacionit që është aktualisht në dispozicion, katër persona kanë humbur jetën”, ka njoftuar policia, pa dhënë detaje të tjera.
Mediat kroate raportojnë se operacionet e kërkimit dhe shpëtimit janë ende në zhvillim, ndërsa ekipet po punojnë për zbardhjen e plotë të rrethanave të ngjarjes.
Agjencia zyrtare e lajmeve HINA bën të ditur se bëhet fjalë për një aeroplan gjerman që ishte nisur nga Austria.