Aksident fatal në vend, dyshohet për të vdekur

Një motoçiklist ka humbur jetën si pasojë e një aksidenti në rrugën “Tirana” në Gjakovë.

Lidhur me ngjarjen, për Klankosova.tv ka folur Albin Sahatqija, drejtor rajonal i Policisë së Trafikut në Gjakovë.

Sipas tij, aksidenti ka ndodhur rreth orës 02:20, kur motoçiklisti dyshohet se nuk ia ka përshtatur shpejtësinë kushteve të rrugës, ka humbur kontrollin dhe është përplasur me trotuarin.

“Si pasojë e shpejtësisë, ai është përplasur edhe me një veturë që ishte duke lëvizur në shiritin e saj”, ka deklaruar Sahatqija.

Ai shtoi se viktima është dërguar në spital, ku mjeku kujdestar ka konstatuar vdekjen e tij. Trupi i pajetë është dërguar në Institutin e Mjekësisë Ligjore për obduksion, ndërsa rasti është duke u hetuar nga njësitet përkatëse të Policisë së Kosovës.