Imami Elvedin Peziç ndalohet në Vitomiricë, shoqërohet në polici për intervistim
Imami i njohur Elvedin Peziç është ndaluar këtë pasdite nga Policia e Kosovës në Vitomiricë të Pejës, ndërsa rrethanat dhe arsyet e ndalimit ende nuk janë bërë publike zyrtarisht.
Sipas raportimeve të gazetares së Klan Kosovës, Altiana Zogaj, Peziç ishte duke shkuar në Qendrën Rinore në Vitomiricë, ku ishte planifikuar të mbante një ligjëratë dhe aktivitet fetar.
Aktiviteti ishte paraparë të zhvillohej nga ora 17:15 deri në 19:00, por pjesëmarrja e tij nuk u realizua pas ndalimit nga autoritetet.
Pas ndalimit, imami është shoqëruar në një stacion policor, ku pritet të intervistohet nga zyrtarët kompetentë.
Deri tani, nuk ka një sqarim zyrtar nga Policia e Kosovës për arsyen e ndalimit. Autoritetet pritet të japin më shumë informacione lidhur me rastin dhe procedurat e ndërmarra.