Rriten çmimet e derivateve në Kosovë, ja sa do të kushtojë nafta
Ministria e Industrisë, Ndërmarrësisë, Tregtisë dhe Inovacionit ka publikuar çmimet e reja maksimale të lejuara për shitjen e derivateve të naftës në Kosovë.
Sipas vendimit të fundit, nafta do të tregtohet me çmim maksimal prej 1.49 euro për litër, ndërsa benzina do të kushtojë deri në 1.38 euro për litër. Nga ana tjetër, çmimi maksimal i gazit është caktuar në 0.61 euro për litër.
Çmimet e reja kanë hyrë në fuqi për ditën e shtunë dhe do të zbatohen nga të gjitha pikat e shitjes së karburanteve në vend, në përputhje me vendimin e ministrisë.
Be First to Comment