Lëkundje sizmike në Kosovë, regjistrohet tërmet i lehtë pranë Prizrenit
Një tërmet me magnitudë të ulët është regjistruar mbrëmjen e së shtunës në Kosovë, duke shkaktuar lëkundje të lehta të ndjeshme në disa zona të vendit.
Sipas të dhënave të Qendrës Sizmologjike Euro-Mesdhetare (EMSC), aktiviteti sizmik është shënuar rreth orës 20:22, bazuar në informacionet e Institutit të Gjeoshkencave në Tiranë.
Matjet tregojnë se tërmeti ka pasur magnitudë 2.2 ballë, duke u klasifikuar si një lëkundje e lehtë. Epiqendra është lokalizuar rreth 17 kilometra në juglindje të Prizrenit dhe afërsisht 71 kilometra në veri të Shkupit.
Deri tani nuk janë raportuar dëme materiale apo persona të lënduar. Sipas ekspertëve, tërmetet me këtë intensitet zakonisht ndihen vetëm në zonat pranë epiqendrës dhe nuk paraqesin rrezik serioz.
Kosova ndodhet në një zonë me aktivitet sizmik të moderuar, ku herë pas here regjistrohen lëkundje të lehta dhe të mesme.
Be First to Comment