Si të kurseni energji elektrike gjatë dimrit? Ekspertët zbulojnë mënyrën e duhur të përdorimit të kondicionerit
Përdorimi i kondicionerit për ngrohje gjatë dimrit është bërë gjithnjë e më i zakonshëm, por mënyra e përdorimit ndikon drejtpërdrejt në konsumin e energjisë elektrike.
Sipas këshillave të teknikëve, kondicioneri duhet të vendoset në modalitetin HEAT, i shënuar me simbolin e diellit në telekomandë. Për një ngrohje ekonomike, rekomandohet mbajtja e një temperature të moderuar dhe të qëndrueshme, zakonisht 20–22 gradë Celsius.
Ekspertët këshillojnë gjithashtu përdorimin e modalitetit AUTO për shpërndarjen më të njëtrajtshme të ajrit të ngrohtë, si dhe pastrimin e rregullt të filtrave dhe mirëmbajtjen periodike të pajisjes.
Konsumi i energjisë varet edhe nga izolimi i banesës, temperaturat e jashtme dhe efikasiteti i kondicionerit. Prandaj, vendosja e temperaturave shumë të larta nuk garanton ngrohje më ekonomike.