Avokati Idajet Beqiri ka deklaruar se Erion Veliaj mund të lirohet nga burgu brenda 10 ditësh, pas rishqyrtimit të masës së sigurisë nga Gjykata e Apelit.
Sipas Beqirit, Apeli duhet të zbatojë vendimin e Gjykatës Kushtetuese dhe të marrë parasysh edhe qëndrimin e Kolegjit Penal të Gjykatës së Lartë, i cili ka kërkuar rishikimin e vendimit për masën e arrestit me burg.
“Gjykata e Apelit është e detyruar të zbatojë vendimin e Gjykatës Kushtetuese. Ajo do ta shqyrtojë çështjen dhe do të vlerësojë se vendimi për masën e arrestit me burg duhet të rishikohet, bazuar edhe në qëndrimet e Gjykatës së Lartë”, u shpreh avokati.
Beqiri theksoi se masa e arrestit me burg është një masë e jashtëzakonshme dhe sipas tij, në rastin e Veliajt, gjykata mund të vendosë një masë më të lehtë sigurie.
Ai deklaroi se nuk beson se do të vendoset as masa e arrestit në shtëpi, por masa e “detyrimit për paraqitje”.
“Vendimi i Gjykatës Kushtetuese do të merret në konsideratë dhe brenda 10 ditësh Veliaj do të përballet me një masë tjetër sigurie, atë të detyrimit për paraqitje”, tha Idajet Beqiri.
Be First to Comment