Ish-fituesi i “Big Brother Albania”, Vesel Kurtishaj, përjeton emocionin më të madh: bëhet baba për herë të parë!
Vesel Kurtishaj, fituesi i edicionit të tetë të “Big Brother Albania”, ka marrë lajmin më të bukur të jetës. Ai dhe partnerja e tij, Rrezja, janë bërë prindër për herë të parë, duke mirëpritur në jetë një vajzë të quajtur Ema.
Lajmi është bërë publik përmes postimeve në rrjetet sociale, ku çifti ka ndarë momente emocionuese nga spitali. Në një prej fotove, Veseli shihet pranë vajzës së tij, ndërsa Rrezja e ka shoqëruar imazhin me fjalët e ndjera:
“Një jetë e tërë në një fotografi”.
Dhoma e vogëlushes është zbukuruar me tullumbace dhe lule rozë, ndërsa mbishkrimi “Mirë se erdhe, Ema” i ka dhënë edhe më shumë ngrohtësi këtij momenti të veçantë.
Vetëm pak muaj pas martesës, çifti ka përjetuar gëzimin e ardhjes në jetë të vajzës së tyre, duke nisur kështu një kapitull të ri dhe të bukur në jetën familjare.