Pensionet 2027: Ja sa do të rriten pagesat dhe kush përfiton më shumë!
Nga 1 janari 2027, pensionistët në Shqipëri pritet të përfitojnë rritje mujore nga 600 deri në 1,800 lekë, në varësi të kategorisë dhe nivelit të pensionit.
Ministrja e Ekonomisë dhe Inovacionit, Delina Ibrahimaj, ka deklaruar se bonusi mujor do të dyfishohet për kategoritë e pensionistëve, krahas indeksimit të pensioneve. Për këtë mbështetje, në buxhetin e vitit të ardhshëm janë parashikuar 22.4 miliardë lekë shtesë.
Sipas deklaratës, të moshuarit, nënat me shumë fëmijë dhe pensionistët me të ardhura nën 40 mijë lekë në muaj do të përfitojnë 1,800 lekë shtesë çdo muaj.
Ndërkohë:
* Pensionistët me pension të pjesshëm ose përfituesit e strehimit social nën 22 mijë lekë do të marrin 800 lekë shtesë.
* Përfituesit e pensionit të invaliditetit me pagesë mbi 30 mijë lekë do të përfitojnë 800 lekë.
* Ata që marrin pension invaliditeti nën 30 mijë lekë do të përfitojnë 600 lekë në muaj.
Në total, bonusi mujor pritet të përfshijë rreth 727 mijë pensionistë, nga afro 770 mijë përfitues në të gjithë vendin. Sipas të dhënave të bëra publike, rreth 36% do të marrin 1,800 lekë, ndërsa pjesa më e madhe do të përfitojë 800 lekë në muaj.
Por kush do të përfitojë më shumë dhe cilët pensionistë do të marrin shuma më të ulëta? Detajet e kategorive përcaktojnë ndryshimin në pagesën mujore.