Lionel Messi ka mbështetur vendimin e VAR-it për anulimin e golit të Egjiptit, pas fitores dramatike 3-2 të Argjentinës në fazën e 1/8 së finales së Kupës së Botës 2026.
Pas përfundimit të ndeshjes, kapiteni i Argjentinës komentoi momentin e debatueshëm, duke theksuar se arbitri mori vendimin e duhur me ndihmën e teknologjisë VAR.
“Sinqerisht, nuk e kuptoj debatin. Nëse mendoni se ai nuk ishte faull, atëherë ndoshta futbolli nuk është për ju. Lojtari i tyre e shkeli qartë Martinezin para se të luhej topi. Pikërisht për situata të tilla ekziston VAR-i, që ta ndihmojë gjyqtarin të marrë vendimin e drejtë. Besoj se zyrtarët e ndeshjes e menaxhuan shumë mirë atë situatë”, u shpreh Messi.
Ylli argjentinas ishte vendimtar në përmbysjen spektakolare të kampionëve në fuqi, duke shënuar një gol dhe duke dhuruar një asist, ndërsa Argjentina rikuperoi disavantazhin prej 2-0 për të fituar 3-2 ndaj Egjiptit në Atlanta.
Në fazën çerekfinale, Argjentina do të përballet me Zvicrën, ekipin e udhëhequr nga Granit Xhaka, e cila siguroi kualifikimin pas fitores me penallti ndaj Kolumbisë.
Be First to Comment