Mjekët këshillojnë të kufizoni bukën e bardhë – ja pse
Karbohidratet janë një nga lëndët ushqyese më të rëndësishme për organizmin, pasi furnizojnë trupin me energjinë e nevojshme për funksionimin e përditshëm. Ato gjenden në ushqime të ndryshme dhe përfshijnë sheqernat, niseshtenë dhe fibrat.
Gjatë tretjes, karbohidratet shndërrohen në glukozë, e cila shërben si burimi kryesor i energjisë për qelizat, trurin dhe muskujt. Megjithatë, ekspertët theksojnë se jo të gjitha karbohidratet kanë të njëjtin ndikim në shëndet.
Sipas mjekëve dhe nutricionistëve, konsumimi i shpeshtë i bukës së bardhë dhe produkteve të rafinuara mund të shkaktojë rritje të shpejta të nivelit të sheqerit në gjak. Për këtë arsye, rekomandohet që buka e bardhë të zëvendësohet sa më shpesh me produkte integrale, të cilat janë më të pasura me fibra dhe ndihmojnë në ruajtjen e një niveli më të qëndrueshëm të energjisë.
Be First to Comment