Mojtaba Khamenei shpall fitoren “SHBA pësoi humbje të rëndë në përballje”

Mojtaba Khamenei: “Kundërshtarët po përpiqen të nxisin përçarje brenda Iranit”

Lideri Suprem i Iranit, Mojtaba Khamenei, ka deklaruar se kundërshtarët e vendit, pasi sipas tij kanë pësuar humbje në përballjet e jashtme, po përpiqen tani të minojnë stabilitetin e brendshëm të Iranit dhe të nxisin përçarje mes qytetarëve.

Në një mesazh të publikuar të enjten, ai u bëri thirrje qytetarëve për unitet kombëtar, duke theksuar se çdo veprim që sjell pesimizëm apo zhgënjim në shoqëri, sipas tij, i shërben interesave të kundërshtarëve.

“Armiku, pasi u mposht në fushën e betejës, po përpiqet të godasë nga brenda duke dobësuar moralin e popullit dhe duke nxitur ndasi në shoqëri”, është shprehur ai.

Deklaratat e tij vijnë në një periudhë tensionesh të vazhdueshme në rajon, ndërsa autoritetet iraniane vazhdojnë të theksojnë rëndësinë e unitetit kombëtar përballë presioneve të jashtme.