Tre të vdekur dhe një i plagosur pas një sherri në Stamboll
Një ngjarje e rëndë ka tronditur sot lagjen Fatih në Stamboll, ku tre persona kanë humbur jetën dhe një tjetër ka mbetur i plagosur pas një konflikti mes një pronari dhe një klienti.
Sipas mediave turke, përplasja dyshohet se ka ndodhur në një pikë këmbimi valutor. Pas ngjarjes, policia ka ndërhyrë në vendngjarje dhe ka arrestuar një person të dyshuar.
Agjencia shtetërore turke e lajmeve Anadolu raportoi për arrestimin, ndërsa agjencia DHA publikoi pamje nga vendi i ngjarjes, ku një person shihet duke u transportuar me barelë drejt një ambulance.
Autoritetet turke kanë nisur hetimet për të zbardhur rrethanat e plota të ngjarjes dhe për të përcaktuar motivin e konfliktit.