Një ngjarje e rëndë është raportuar në qytetin e Shkodrës, ku një grua ka humbur jetën pasi dyshohet se është qëlluar me armë zjarri nga bashkëshorti i saj.
Sipas informacioneve paraprake, ngjarja ka ndodhur në lagjen Dërçin. Menjëherë pas njoftimit, forcat e policisë kanë mbërritur në vendin e ngjarjes dhe kanë arrestuar personin e dyshuar si autor.
Aktualisht, grupi hetimor po punon për zbardhjen e plotë të rrethanave të ngjarjes dhe për të përcaktuar motivin që dyshohet se çoi në këtë akt.
Të dhënat janë ende paraprake dhe pritet që Policia e Shtetit të publikojë një njoftim zyrtar me detaje shtesë.
Be First to Comment