Mëngjese të ftohta dhe ditë me diell: Ja si pritet të jetë moti në Kosovë
Instituti Hidrometeorologjik i Kosovës (IHMK) ka publikuar parashikimin për ditët në vijim, ku priten temperatura relativisht të ulëta gjatë mëngjesit, sidomos në zonat e ulëta dhe ato malore.
Gjatë orëve të ditës, temperaturat do të jenë më të buta dhe moti përgjithësisht i këndshëm. Parashikimi përfshin intervale me diell dhe vranësira, ndërsa në zona të caktuara nuk përjashtohen reshje të dobëta shiu.
Sipas IHMK-së, kushtet biometeorologjike pritet të jenë përgjithësisht të favorshme. Megjithatë, diferencat e temperaturave mes mëngjesit dhe ditës mund të ndikojnë te personat me sëmundje kronike, veçanërisht në orët e para të ditës.
E hënë, 28 shtator
Moti pritet të jetë me diell dhe vranësira, ndërsa lokalisht mund të ketë reshje të dobëta shiu. Temperaturat minimale do të lëvizin nga 5 deri në 8°C, ndërsa maksimalet nga 20 deri në 23°C. Era do të fryjë nga veriperëndimi me shpejtësi 1–4 m/s.
E martë, 29 shtator
Do të mbajë mot me diell dhe vranësira të shpërndara. Temperaturat minimale parashikohen nga 4 deri në 6°C, ndërsa maksimalet nga 20 deri në 23°C. Era do të jetë nga veriperëndimi, me shpejtësi 1–5 m/s.
E mërkurë, 30 shtator
Moti do të jetë kryesisht me diell dhe vranësira të shpërndara. Temperaturat minimale do të lëvizin nga 3 deri në 8°C, ndërsa maksimalet nga 20 deri në 23°C. Era do të fryjë nga veriperëndimi me shpejtësi 1–5 m/s.
E enjte, 1 tetor
Parashikohet mot me diell dhe vranësira të pjesshme. Temperaturat minimale do të zbresin në 2–6°C, ndërsa maksimalet do të arrijnë 18–22°C. Era do të fryjë nga verilindja me shpejtësi 1–4 m/s.
E premte, 2 tetor
Moti pritet të jetë me diell dhe vranësira të shpërndara. Temperaturat minimale do të jenë nga 2 deri në 5°C, ndërsa maksimalet nga 19 deri në 22°C. Era do të fryjë nga verilindja me shpejtësi 1–5 m/s.
Sipas IHMK-së, gjatë kësaj periudhe nuk pritet ngarkesë e theksuar biometeorologjike, ndërsa temperaturat do të shoqërohen me mëngjese më të ftohta dhe ditë kryesisht të këndshme.