Fjalimi i Donald Trump në Louisville u ndërpre për disa minuta pas një incidenti të papritur. Një grua që ndodhej pranë podiumit ku po fliste presidenti amerikan u ndje keq dhe u rrëzua pa ndjenja, duke shkaktuar shqetësim mes të pranishmëve.
Në një video që qarkullon në internet, shihet se gruaja fillimisht po ndihej keq para se të binte në tokë. Personat pranë saj kërkuan menjëherë ndihmë dhe i thirrën presidentit se kishte nevojë për mjek.Trump e vuri re situatën dhe ndaloi fjalimin, duke iu drejtuar audiencës me pyetjen: “A ka ndonjë mjek këtu?”. Ai u kërkoi të gjithëve të prisnin derisa ekipet mjekësore të ndërhynin për t’i dhënë ndihmën e parë gruas.Gjatë ndërprerjes, presidenti u përpoq të ruante qetësinë në sallë dhe madje sugjeroi që të luhej muzikë, duke përmendur këngën Ave Maria, ndërsa priste që situata të stabilizohej përpara se të vazhdonte fjalimin.