Gjykata e Tiranës ka marrë vendimin për masat e sigurisë ndaj 51 personave të ndaluar gjatë përplasjeve dhe tensioneve të regjistruara në protestat e fundit në kryeqytet.
Nga vendimi i gjykatës, 11 persona do të qëndrojnë në burg, ndërsa për 40 të tjerët është vendosur lirimi i menjëhershëm nga paraburgimi.
Megjithatë, lirimi i tyre do të zbatohet me kushtin që të mos jenë të ndaluar apo të mbahen në paraburgim për çështje të tjera penale.
Me këtë vendim, gjykata ka përcaktuar masat e sigurisë për të gjithë 51 personat e ndaluar në lidhje me ngjarjet e ndodhura gjatë protestave në Tiranë.