Pedagogë dhe studentë janë mbledhur këtë të martë para Kryeministrisë, duke kërkuar dorëheqjen e kryeministrit Edi Rama.
Në mesin e protestuesve janë parë edhe Argita Berisha, vajza e ish-kryeministrit Sali Berisha, dhe bashkëshorti i saj, Jamarbër Malltezi. Sipas raportimeve, të dy pedagogë me profesion, iu bashkuan kolegëve dhe studentëve në tubimin e zhvilluar në kryeqytet.
Prania e çiftit në protestë ka tërhequr vëmendjen edhe në politikë. Kreu i Grupit Parlamentar të Partisë Socialiste, Taulant Balla, ka reaguar në rrjetet sociale, duke publikuar një fotografi ku shfaqen Argita Berisha dhe Jamarbër Malltezi mes protestuesve.
Krahas fotos, Balla ka shkruar: “Nuk janë pedagogët, është partia dhe familja e Saliut.”