Të premten ndryshim drastik i motit! Sinoptikania befason: Ja çfarë pritet pas 4 Prillit
Meteorologia Lajda Porja ka paralajmëruar një ndryshim të ndjeshëm të kushteve atmosferike gjatë ditëve në vijim.
Sipas saj, dita e enjte dhe e premte do të shoqërohen me reshje shiu, ndërsa në zonat malore pritet rikthim i reshjeve të dëborës. Këto reshje do të jenë prezente deri në orët e paradites së të premtes.
Ajo theksoi gjithashtu se tre ditët e para të muajit prill do të karakterizohen nga temperatura të ulëta dhe mot i paqëndrueshëm.
Megjithatë, duke filluar nga data 4 Prill, situata pritet të ndryshojë ndjeshëm. Sipas Porjës, i gjithë vendi do të përfshihet nga mot i kthjellët dhe rritje e temperaturave.
Fundjava dhe java pasuese do të sjellin kushte të qëndrueshme atmosferike dhe temperatura pranverore, të cilat pritet të arrijnë deri në 19-20°C, duke rikthyer ndjesinë e pranverës së munguar.