Tre shkolla në Bristol, në Mbretëria e Bashkuar, janë detyruar të mbyllen pas një sulmi me armë zjarri që la të plagosur një person.
Sipas raportimeve të mediave ndërkombëtare, i plagosuri është rreth 20 vjeç dhe është dërguar me urgjencë në spital, duke pësuar një dëmtim serioz që konsiderohet “potencialisht ndryshues për jetën”.
Ngjarja e rëndë ndodhi gjatë ditës së sotme, ndërsa një helikopter policie u pa duke patrulluar mbi zonën e rrugës New Queen. Forca të shumta policie u vendosën menjëherë në terren për të siguruar zonën dhe për të nisur hetimet.
Autori i dyshuar i të shtënave mbetet ende në arrati, ndërkohë që policia ka nisur një operacion të gjerë për kapjen e tij. Sipas informacioneve paraprake, ai është larguar nga vendi i ngjarjes me një biçikletë elektrike.
Për arsye sigurie, janë mbyllur tre institucione arsimore: shkolla Infant Chester Park në Lodge Causeway, Shkolla Fillore Two Mile Hill dhe Akademia Bristol Brunel.