🚨 Ambasada Amerikane jep ALARM: Paralajmërim për kërcënime të mundshme nga Irani në Shqipëri
Ambasada Amerikane në Tiranë ka publikuar një njoftim paralajmërues, duke theksuar se ekziston rreziku që grupe të lidhura me Iranin të shënjestrojnë subjekte të lidhura me Shtetet e Bashkuara, si dhe elementë të opozitës iraniane që ndodhen në Shqipëri.
Sipas këtij njoftimi, objektiva të mundshëm mund të jenë edhe vende të frekuentuara nga publiku i gjerë, përfshirë zona turistike, qendra tregtare, hotele, klube dhe restorante.
Ambasada u bën thirrje qytetarëve amerikanë që ndodhen në Shqipëri të tregojnë vigjilencë të shtuar dhe të ndjekin me kujdes çdo udhëzim sigurie.
🗣️ “Grupet e lidhura me Iranin mund të shënjestrojnë subjekte të lidhura me Shtetet e Bashkuara ose elementë të opozitës iraniane në Shqipëri. Ata gjithashtu mund të synojnë vende të zakonshme, si zona turistike, qendra tregtare, hotele, klube dhe restorante. Ne i inkurajojmë qytetarët amerikanë të ushtrojnë vigjilencë të shtuar,” thuhet në njoftimin zyrtar.