Shtetet e Bashkuara dhe Irani duket se kanë bërë një hap të rëndësishëm drejt një marrëveshjeje, pasi Uashingtoni ka rënë dakord të lirojë një pjesë të aseteve iraniane të ngrira, të mbajtura në Katar dhe në banka të tjera ndërkombëtare.
Lajmi është bërë i ditur nga agjencia Reuters, e cila citon një burim të lartë iranian. Ky i fundit, që ka preferuar të mbetet anonim për shkak të ndjeshmërisë së çështjes, e ka cilësuar këtë veprim si një shenjë “serioziteti” në kuadër të negociatave mes dy vendeve.
Deri më tani, Shtetet e Bashkuara nuk kanë bërë një reagim zyrtar lidhur me raportimet.
Sipas burimeve, çështja e aseteve të ngrira lidhet drejtpërdrejt me garantimin e kalimit të sigurt nëpër Ngushtica e Hormuzit, një nga korridoret më të rëndësishme për tregtinë globale të energjisë.
Negociatat mes palëve kanë nisur sot në Islamabad, ku delegacionet nga të dy vendet mbërritën që në orët e para të mëngjesit. Një nga pikat kryesore të diskutimit pritet të jetë pikërisht siguria dhe liria e lëvizjes në këtë zonë strategjike.
