Meteorologia Lajda Porja ka bërë parashikimin e motit për ditët në vijim, duke theksuar se fundjava do të karakterizohet nga temperatura të larta dhe kushte të qëndrueshme atmosferike.
Sipas saj, e shtuna dhe e diela do të jenë kryesisht të ngrohta, me rritje të ndjeshme të temperaturave, sidomos në orët e mëngjesit. Vlerat minimale, që më parë kanë qenë rreth 3–4°C, pritet të rriten ndjeshëm, duke shkuar deri në 23–24°C.
Gjatë paradites moti do të jetë kryesisht me diell, ndërsa pas orës 14:00 priten vranësira të herëpashershme, pa e mbuluar plotësisht qiellin.
Porja paralajmëron gjithashtu një ndryshim të kushteve atmosferike në mesin e javës së ardhshme, ku priten reshje shiu, konkretisht të martën dhe të mërkurën.
Sa i përket rajonit, pjesa më e madhe e Ballkanit do të vijojë me mot të kthjellët, duke lënë pas temperaturat e ulëta të ditëve të fundit.