Rama shpreh ngushëllime për ndarjen nga jeta të akademikut Rexhep Qosja
Kryeministri Edi Rama ka reaguar për ndarjen nga jeta të akademikut të njohur Rexhep Qosja, duke shprehur ngushëllimet e tij për familjen dhe të afërmit.
Përmes një postimi në Facebook, Rama shkruan: “Lamtumirë shqiptar i mirë! Ngushëllime vëllazërore familjes, të afërmve dhe miqve të Profesor Rexhep Qoses”.
Sipas familjes, akademiku është ndarë nga jeta sot dhe është varrosur po në të njëjtën ditë, në një ceremoni të thjeshtë vetëm me praninë e familjarëve.
Në përputhje me dëshirën e të ndjerit, familja ka bërë të ditur se nuk do të organizohen homazhe publike dhe as nuk do të marrin pjesë në ceremonitë e organizuara nga institucionet.