Qeveria Rama ka miratuar rritjen e pagave për disa kategori të rëndësishme punonjësish, duke nisur nga sektori i arsimit, Policia e Shtetit dhe deri te Forcat e Armatosura.
Përveç mësuesve, vendimi parashikon gjithashtu rritje page për ushtarakët, si dhe dhënie shpërblimesh për punonjësit e Policisë së Shtetit.
Sipas vendimit nr. 425, datë 26.6.2024, “Për miratimin e strukturës dhe niveleve të pagave të punonjësve mësimorë dhe jomësimorë në institucionet arsimore parauniversitare”, ndryshimet do të hyjnë në fuqi pas botimit në Fletoren Zyrtare dhe efektet financiare do të nisin nga 1 janari 2026.
Ndërkohë, me vendimin nr. 420, datë 26.6.2024, është miratuar trajtimi me pagë dhe shtesat për ushtarakët aktivë të Forcave të Armatosura të Republikës së Shqipërisë.
Po ashtu, në vendimin nr. 4, datë 9.1.2025, përcaktohen vlerat e pagës bruto mujore dhe kriteret për dhënien e shpërblimeve për punonjësit e Policisë së Shtetit.