Gazetarja e njohur Iva Tiço ishte e ftuar në emisionin Opinion, ku u diskutua tema: “Pse po vështirësohen martesat në Shqipëri?”.
Gjatë debatit, ajo ndau mendimin se ndryshimi i rolit të gruas në shoqëri dhe pavarësia ekonomike kanë ndikuar edhe në mënyrën si po ndërtohen marrëdhëniet sot. Sipas Tiços, shumë gra të suksesshme dhe të pavarura po e kanë më të vështirë të gjejnë partnerë që ndihen komodë me këtë realitet.
“Kam shumë shoqe beqare, të realizuara profesionalisht, me të ardhura dhe jetën e tyre të ndërtuar. Shpesh duket sikur burrat shqiptarë ende preferojnë marrëdhënie ku ata ndihen më dominues,” – u shpreh ajo.
Sipas gazetares, për gratë më të emancipuara dhe të pavarura, numri i burrave me të njëjtin mentalitet mbetet ende i kufizuar.
Be First to Comment