Bashkësia Fetare Islame e Maqedonisë së Veriut ka njoftuar orarin zyrtar për faljen e namazit të Kurban Bajramit, festë që do të shënohet të mërkurën, më 27 maj 2026.
Programi qendror i manifestimit do të mbahet në Xhamia Mustafa Pasha, ku besimtarët myslimanë do të mblidhen për ceremoninë festive të Kurban Bajramit.
Sipas orarit të publikuar, namazi i sabahut do të falet në ora 04:29, lindja e diellit pritet në ora 04:59, ndërsa namazi i Kurban Bajramit do të falet në ora 05:45.
Me rastin e kësaj feste, BFI ka përcjellë urime për paqe, shëndet dhe mirësi për të gjithë besimtarët myslimanë.