Aktori francez Pierre Deny, i njohur për rolin e tij në serialin e njohur të Netflix “Emily in Paris”, është ndarë nga jeta në moshën 69-vjeçare, më 26 maj 2026.
Sipas raportimeve, aktori humbi betejën me sklerozën laterale amiotrofike (ALS), e njohur në Francë si sëmundja e Charcot-it. Thuhet se ai e kishte mbajtur të fshehtë gjendjen shëndetësore dhe kishte luftuar me sëmundjen për rreth tre vite.
Në serialin “Emily in Paris”, Pierre Deny interpretonte personazhin Louis de Léon, drejtor ekzekutiv i kompanisë së modës JVMA, duke qenë pjesë e sezonit të tretë dhe të katërt të produksionit.
Lajmin për ndarjen e tij nga jeta e bëri publik vajza e aktorit, Jeanne Deny, përmes një postimi prekës në Instagram. Ajo shkroi se i ati u shua “në paqe dhe pa vuajtje”, ndërsa e cilësoi atë si “mbreti i aktorëve”, duke theksuar se familjarët dhe miqtë qëndruan pranë tij deri në momentet e fundit.
Pierre Deny kishte një karrierë të gjatë dhe të suksesshme prej më shumë se katër dekadash në kinemanë dhe televizionin francez. Gjatë karrierës së tij ai interpretoi në mbi 100 filma dhe seriale, ndërsa ndër projektet më të njohura përmenden filmi “Life Is a Long Quiet River” dhe serialet “Une famille formidable” dhe “Plus belle la vie”.