Kultivimi i bimëve mjekësore dhe aromatike po shndërrohet në një nga sektorët më fitimprurës në Kroaci, i nxitur nga kërkesa e lartë në tregun e Bashkimit Evropian për produkte natyrale dhe organike.
Sipas ekspertëve, bimë si menta (nenexhiku), kamomili dhe sherebela ofrojnë mundësi të mira për fermat e vogla dhe të mesme familjare, me potencial të lartë fitimi dhe eksporti të qëndrueshëm.
Fitimet nga menta
Një hektar me mentë mund të prodhojë deri në 1.500 kg gjethe të thara. Me një çmim tregu prej 4–5 euro për kilogram, të ardhurat bruto arrijnë nga 6.000 deri në 7.000 euro për hektar.
Investimi dhe fitimi neto
Kostot për ngritjen dhe mirëmbajtjen e një plantacioni vlerësohen rreth 2.000 euro për hektar, duke mundësuar një fitim neto që mund të arrijë deri në 5.000 euro.
Mbështetja nga Bashkimi Evropian
Fermerët përfitojnë nga fondet e Politikës së Përbashkët Bujqësore të BE-së, të cilat ndihmojnë në bashkëfinancimin e sistemeve të ujitjes, tharëseve dhe certifikimit për prodhim organik.
Perspektiva e tregut
Tregu evropian i produkteve bimore mjekësore, i vlerësuar në 69.23 miliardë dollarë në vitin 2025, parashikohet të rritet deri në 117.16 miliardë dollarë në vitin 2034. Përveç mentes, kultura si valeriana dhe mëllaga e bardhë po gjenerojnë gjithashtu fitime të konsiderueshme, shpesh deri në tre herë më shumë se investimi fillestar.