LAJM I TRISHTË/ Ndahet nga jeta figura e njohur e arsimit në Përmet – mbyll sytë në moshën 88-vjeçare
Qyteti i Përmetit është në zi. Është ndarë nga jeta mësuesi i përkushtuar dhe intelektuali i njohur, Luan Dino.
Zemra e tij pushoi së rrahuri më 11 shkurt 2026, duke lënë pas dhimbje te familjarët, miqtë dhe brezat e shumtë që edukoi për afro 35 vite në arsim, si mësues dhe drejtues i Drejtorisë Arsimore.
Ai ishte gjithashtu firmëtar i Kongresit të Drejtshkrimit (1972), bashkëpunëtor i Akademisë së Shkencave dhe studiues i historisë së komunitetit egjiptian në Shqipëri.
Sot ai u përcoll për në banesën e fundit, ndërsa qyteti kujton një personalitet që la gjurmë të pashlyeshme.
U prehtë në paqe.