Rama i përgjigjet Fevziut: “Nuk e kam menduar kurrë largimin”

Gazetari Blendi Fevziu i ka drejtuar kryeministrit Edi Rama një pyetje të drejtpërdrejtë gjatë një interviste televizive: nëse ai ka menduar ndonjëherë të largohet nga posti i kryeministrit.

Pyetja u përsërit disa herë për sqarim:

Blendi Fevziu: A e ke menduar ndonjëherë të ikësh? Fare, fare?

Kryeministri Rama u përgjigj se një gjë e tillë nuk ka qenë kurrë pjesë e mendimeve të tij.

Ai theksoi se e sheh detyrën e tij jo thjesht si një punë apo profesion, por si një mision.

“Nuk e kam parë kurrë këtë si një punë apo si një rastësi. E shoh si mision, dhe misioni im është që, me ndihmën e Zotit dhe të shqiptarëve, ta çoj Shqipërinë në Bashkimin Evropian,” u shpreh Rama.