Protestat në Tiranë vazhdojnë, Taulant Balla shihet me pushime në jug

Ndërsa në Tiranë vijojnë protestat qytetare që kanë hyrë në ditën e 35-të, ku protestuesit kërkojnë dorëheqjen e kryeministrit Edi Rama dhe krijimin e një qeverie teknike, vëmendja është përqendruar edhe te zhvillimet jashtë skenës politike.

Kreu i grupit parlamentar të Partisë Socialiste, Taulant Balla, është parë duke kaluar disa ditë pushimi në jug të vendit.

Sipas raportimeve, ai ndodhej në shoqërinë e Dorjan Duçkës, ndërsa të dy janë parë duke u relaksuar në një ambient bregdetar së bashku me familjet e tyre.

Në të njëjtën kohë që në kryeqytet protestat dhe marshimet vijojnë pa ndërprerje, Balla ka zgjedhur të qëndrojë larg angazhimeve publike për disa ditë pushimi.

Ngjarja ka tërhequr vëmendje në rrjetet sociale, në një moment kur situata politike në vend mbetet e tensionuar.