Sekretari i Përgjithshëm i Ministrisë së Arsimit, Erzen Tola, ka dhënë dorëheqjen nga posti që mbante, pas rekomandimeve të bëra nga Kontrolli i Lartë i Shtetit (KLSH).
Sipas raportimeve, Tola ka qenë një prej zyrtarëve kyç në administratën e Ministrisë së Arsimit, duke ushtruar ndikim në funksionimin e strukturave në varësi të institucionit, përfshirë edhe universitetet publike në vend.
Ai u emërua fillimisht në detyrën e Sekretarit të Përgjithshëm gjatë kohës kur Ministrinë e Arsimit e drejtonte Ogerta Manastirliu dhe vijoi ta mbante këtë post edhe pas ndryshimeve në drejtimin e institucionit.
Largimi i tij vjen pas rekomandimeve të KLSH-së, të cilat, sipas raportimeve, kërkonin marrjen e masave lidhur me pozicionin e tij. Këto rekomandime nuk ishin zbatuar më herët nga drejtuesit e Ministrisë së Arsimit.
Deri në këtë moment, nuk ka një reagim zyrtar që të sqarojë arsyet konkrete të dorëheqjes së Erzen Tolës apo hapat që do të ndërmerren për zëvendësimin e tij.
Be First to Comment