Konflikti për pronën përfundon tragjikisht, një person humb jetën pasi u godit me lopatë

Një konflikt për pronën ka përfunduar me pasoja tragjike në një fshat të rrethit Şirvan, ku një person humbi jetën pas një përleshjeje.

 

Sipas mediave turke, mes Selim Buğutekin dhe personit me inicialet A.B. kishte shpërthyer fillimisht një debat për një mosmarrëveshje pronësie. Konflikti më pas u përshkallëzua në dhunë fizike, ku Buğutekin u godit në kokë me një lopatë, ndërsa edhe A.B. mbeti i lënduar.

 

Pas njoftimit, në vendngjarje mbërritën ekipet e ndihmës së shpejtë dhe xhandarmërisë. I plagosuri u transportua me urgjencë në spital, por nuk arriti t’u mbijetojë plagëve, pavarësisht përpjekjeve të mjekëve. Trupi i viktimës u dërgua në morg për kryerjen e autopsisë.

 

Ndërkohë, A.B. po merr trajtim mjekësor, ndërsa autoritetet turke kanë nisur hetimet për të sqaruar plotësisht rrethanat e ngjarjes.