Në një video-mesazh të publikuar në platformën e tij “Truth Social”, Donald Trump deklaroi se Shtetet e Bashkuara do të kundërpërgjigjen pas humbjes së tre ushtarëve amerikanë gjatë një operacioni ushtarak në Iran.
Trump bëri të ditur se SHBA-të po zhvillojnë një operacion të gjerë për të garantuar sigurinë kombëtare, duke paralajmëruar se Irani do të përballet me “goditjet më të ashpra në histori”. Ai e cilësoi këtë si një detyrim ndaj një kombi të lirë dhe theksoi se veprimet janë “të drejta dhe të nevojshme” për të parandaluar që amerikanët të kërcënohen nga një regjim që, sipas tij, synon të pajiset me armë bërthamore.
Ndërkohë, Komanda Qendrore e SHBA-së konfirmoi vdekjen e tre ushtarëve amerikanë.