Ardian Gjini reagon pas incidentit në Kuvend: Mbështet Time Kadrijajn
Kryetari i Aleancës për Ardhmërinë e Kosovës, Ardian Gjini, ka reaguar pas incidentit të ndodhur në Kuvend, ku deputetja e AAK-së, Time Kadrijaj, hodhi vezë në drejtim të kryeministrit në detyrë, Albin Kurti.
Në reagimin e tij, Gjini ka shprehur mbështetjen për deputeten e AAK-së, duke vlerësuar angazhimin dhe kontributin e saj ndër vite.
“Timja kurrë nuk ka munguar për vendin”, ka shkruar Gjini në reagimin e tij.
Deklarata e tij vjen pas tensioneve të krijuara gjatë seancës së Kuvendit, ku situata politike u përshkallëzua pas mosarritjes së një marrëveshjeje për konstituimin e institucioneve.
Incidenti ka tërhequr vëmendje të madhe, ndërsa reagimet nga partitë politike pritet të vazhdojnë.