Pensionet në rrezik? Ja çfarë mund të ndodhë me shqiptarët deri në vitin 2060
Në vitin 2060, gati një në tre shqiptarë pritet të jetë mbi 65 vjeç. Sipas parashikimeve demografike, numri i të moshuarve do të rritet ndjeshëm, ndërsa largimi i vazhdueshëm i të rinjve jashtë vendit pritet ta thellojë edhe më shumë problemin.
Ekspertët paralajmërojnë se plakja e popullsisë dhe ulja e numrit të kontribuuesve mund ta vendosin skemën e pensioneve përballë vështirësive gjithnjë e më të mëdha.
Një tjetër shqetësim është rënia e numrit të personave që kontribuojnë për çdo pensionist. Nëse kjo tendencë vazhdon, financimi i pensioneve mund të bëhet edhe më i vështirë në vitet e ardhshme.
Ndërkohë, mosha mesatare e popullsisë pritet të rritet ndjeshëm, duke reflektuar plakjen e shpejtë të shoqërisë shqiptare. Përballë këtyre zhvillimeve, po diskutohet edhe rishikimi i skemës së pensioneve, përfshirë mundësinë e ndryshimit të viteve të punës dhe të kontributeve.
Një tjetër problem është numri i ulët i viteve të sigurimit. Shumë prej atyre që dalin në pension kanë më pak vite kontributesh sesa kërkohen për një pension të plotë.