Lufta në Ukrainë afrohet me kufirin e BE-së, sulme me dronë pranë Polonisë dhe në Rusi
Lufta në Ukrainë po shtrihet gjithnjë e më pranë kufijve të Bashkimit Evropian. Alarmet u ngritën pas një sulmi rus me dronë në zonën e Jahodinit, vetëm rreth dy kilometra nga kufiri me Poloninë.
Sulmi dëmtoi lokomotivën e një treni pasagjerësh që udhëtonte nga Kievi drejt Varshavës, si dhe një pikë karburanti pranë vendkalimit kufitar. Sipas kompanisë hekurudhore ukrainase Ukrzaliznytsia, ekuipazhi ishte njoftuar paraprakisht për rrezikun, duke bërë të mundur që të shmangeshin viktimat dhe të plagosurit mes pasagjerëve.
Goditja shkaktoi gjithashtu një zjarr të madh në një pikë karburanti pranë kufirit. Pamjet e publikuara nga mediat ukrainase tregojnë flakë të mëdha që përfshinë zonën e karburantit dhe disa kamionë të parkuar pranë pikës kufitare.
Ministri i Jashtëm ukrainas, Andrij Sybiha, reagoi duke e cilësuar sulmin si një paralajmërim për Perëndimin.
“Ky është terrori i Putinit që po troket drejtpërdrejt në dyert e Bashkimit Evropian dhe NATO-s. Barbarët rusë janë tashmë te dyert tuaja”, shkroi ai në rrjetin social X.
Ndërkohë, në një zhvillim të kundërt, Ukraina ndërmori një tjetër sulm me dronë brenda territorit rus. Objektiv ishte zona industriale e Nizhnekamskut, në republikën e Tatarstanit, ku ndodhen disa prej objekteve të rëndësishme të industrisë së naftës në Rusi, më shumë se 1,200 kilometra larg kufirit ukrainas.
Autoritetet ruse raportuan shpërthime dhe aktivizimin e sistemeve të mbrojtjes ajrore. Sipas Moskës, sulmi shkaktoi dy viktima dhe 12 të plagosur. Një dron dyshohet se goditi pranë një automjeti ku ndodheshin katër të rinj, ndërsa dy prej tyre humbën jetën. Raportohet gjithashtu për dëmtime në një ndërtesë banimi dhe një zjarr në një impiant industrial.
Nga ana tjetër, Ministria ruse e Mbrojtjes deklaroi se forcat ruse goditën në rajonin e Odesës një qendër logjistike të kompanisë ukrainase Nova Poshta. Sipas pretendimeve të Mosk