Ish-ministri i Jashtëm i Irani, Kamal Kharazi, ka ndërruar jetë pasi nuk arriti t’u mbijetojë plagëve të rënda të marra gjatë një sulmi ajror në Teheran.
Sipas mediave vendase, Kharazi ndodhej në gjendje kritike prej disa ditësh në spital, pasi ishte plagosur rëndë gjatë bombardimit të banesës së tij. Ai mbajti postin e ministrit të Jashtëm nga viti 1997 deri në 2005 dhe më pas shërbeu si këshilltar i liderit suprem, Ali Khamenei.
Sulmi ajror ndodhi më 1 prill, në kuadër të një serie goditjesh të raportuara ndaj objektivave në kryeqytetin iranian.
Gjatë të njëjtit bombardim u godit edhe shtëpia e familjes së tij, ku përveç plagosjes së rëndë të ish-kryediplomatit, humbi jetën edhe bashkëshortja e tij.