Një ngjarje shqetësuese është raportuar në Vlorë, ku një vajzë rreth të 20-ave dyshohet se është mashtruar nga një burrë 50-vjeçar me premtimin për t’i gjetur punë.
Sipas raportimit në “Aldo Morning Show”, burri e kishte ftuar të renë për një kafe, duke i thënë se kishte njohje që mund ta ndihmonin për punësim. Vajza ka pranuar takimin, duke besuar se bëhej fjalë për një mundësi reale.
Megjithatë, gjatë bisedës situata ka ndryshuar. Sipas të njëjtave burime, burri ka filluar me biseda të papërshtatshme dhe më pas ka tentuar të ketë kontakt fizik të padëshiruar me të renë.
Vajza ka reaguar menjëherë, është ngritur nga tavolina dhe është larguar nga vendi, duke kundërshtuar sjelljen e tij.
Ngjarja ka shkaktuar reagime, duke rikthyer vëmendjen mbi rastet e mashtrimeve dhe sjelljeve të papërshtatshme që lidhen me premtime të rreme për punësim.