Tre automjete dhe një pjesë e një shtëpie janë përfshirë nga zjarri në rrugën “Selman Lokaj” në Prishtinë. Policia e Kosovës e ka cilësuar rastin si “shkaktim i rrezikut të përgjithshëm”.
Ngjarja është regjistruar më 25 gusht 2026, rreth orës 01:10, ndërsa ende nuk dihen shkaqet dhe rrethanat që çuan në shpërthimin e zjarrit.
Pas njoftimit, në vendngjarje kanë mbërritur njësitë përkatëse, ndërsa zjarrfikësit kanë ndërhyrë për të vënë nën kontroll flakët dhe për të parandaluar përhapjen e tyre.
Nga zjarri janë shkaktuar dëme materiale, ndërsa fatmirësisht nuk raportohet për persona të lënduar. Autoritetet kanë nisur hetimet për zbardhjen e plotë të rrethanave të rastit.