Tension dhe panik gjatë fluturimit të Jet2
Një fluturim i kompanisë ajrore Jet2 drejt Mbretërisë së Bashkuar u kthye papritur në një situatë kaotike, pasi dy pasagjerë u përfshinë në një përleshje fizike brenda kabinës.
Gjithçka nisi pas një debati verbal, i cili brenda pak çastesh përshkallëzoi në konfrontim fizik. Dy personat u përplasën në korridorin e avionit, duke shkaktuar frikë dhe shqetësim te pasagjerët e tjerë.
Ekuipazhi ndërhyri menjëherë, me ndihmën edhe të disa udhëtarëve, për t’i ndarë dhe neutralizuar situatën.
Për shkak të rrezikut që incidenti paraqiste për sigurinë në bord, piloti mori vendimin për të ndryshuar itinerarin dhe për të kryer një ulje të paplanifikuar në aeroportin më të afërt.